Film: Selfiee
Date: 24.02.2023
Writer: Rishab Sharma
Director: Raj Mehta
Actors: Akshay Kumar, Emraan Hashmi, Diana Penty, Nusrat Bharucha,
Text Review in Hindi:
Namashkar, main hoon Bhawana Somaaya aur ye hain mera iss hafte ka film review, Selfie.
Rishab Sharma likhi, Raj Mehta directed Selfie, saal 2015 ki Malyalam film ka remake hain.
Superstar Vijay Kumar/ Akshay Kumar shooting ke liye Bhopal aate hain aur unh zaroorat padti hain apne driving licence ki.
Issi silsile mein, unki mulakat RTO Inspector/ Emraan Hashmi se hoti hain jo Vijay Kumar ke bohat bade fan hain.
Celebrities ki zindagi mein, aksar chooti baat bada swarup le leti hain aur Selfie iska udharan hain.
Film ka plus, kahani – concept original, narrative engaging. Dialogues hard hitting, editing sharp, emotions powerful, message socially relevant aur treatment, introspective.
Film ek saath, personal/ professional/ emotional/ ethical/ legal muddein address karti hain.
Public figure, paparazzi, media menace, star rivalry, selfie obsession, social accountability.
Kya celebrities ko sarkari daftaron mein preferential treatment milni chahiye?
Kya fans apne heroes ke jasbaad ko samajhte hain, unko privacy dete hain?
Kya aam aadmi bhi, apne aatma samman ki udaan mein, galat raah par chal deta hain?
Rishton mein sabse badi gaanth – misunderstanding se aati hain aur Selfie iska praman hain!
Film ka minus: Kuch exaggerations hain, kuch obscene jokes hain jiski zaroorat nahi thi aur second half mein ek halka sa dip aata hain.
Ussi tarha se, kuch lines lines dil ko chhoo jaati hain. Jab Emraan Hashmi Akshay se Bhagwan Ram aur Ravan ki baat karte hain. Ya jab unka beta unhe apna hero batata hain.
Supporting cast mein Abhimanyu Singh surprise packet hain aur Meghana Malik super effective.
Leading ladies Diana Penty, Nusrat Bharucha are competent and refreshing
magar film banti hain Emraan Hashmii- Akshay Kumar ke characters aur unki chemistry se.
Hashmi is sensitive and Akshay Kumar proportionately underplayed.
Director Raj Mehta ke liye Good News hain, ye Selfiee toh viral hone wali hain.
Main Bhawana Somaaya relevant aur relatable Selfiee ko Big Ratings deti hoon 3.5 stars.
Audio review on 92.7 Big FM Video on @bhawanasomaaya @bigfmidia