Unlike Anurag Kashyap
Film: Almost Love with DJ Mohabbat
Date: 03.02.2023
Writer/ Director: Anurag Kashyap
Cast: Alaya F, Vickey Kaushal, Karan Mehta
Music: Amit Trivedi
Synopsis: Love stories of two couples
Hindi Review: Namashkar, main hoon Bhawana Somaaya aur ye hain mera iss hafte ka film review, Almost Pyaar with DJ Mohabbat.
My first thought is that ye kaisa title hain? Pyaar hain toh ‘almost’ kyon hain? Aur DJ hain toh naam ‘mohabbat’ kyon hain?
But that’s writer-director Anurag Kashyap aur unse judi har baat ajeeb hota hain. Balke main kahungi ki unki filmon ke kuch preconditions hote hain:
Title utt-patang, content dark, characters complex aur kahani complicated.
Iss baar, strangely, content relatively bright hain. Characters uljhe hue hain magar samajh mein aate hain aur narrative itni complicated nahi hain.
Kahani ek hi set of actors ke saath parallel tracks par chalti hain.
Pehla track, Amruta-Yakub/ Alaya-Kiran Mehta, jo Dehradun mein padosi hain aur dost bhi.
Doosra track: Ayesha- Harmeet/ Phir se Alaya aur Karan, jo strangers hain aur London ke club mein milte hain.
Dono ki duvidha pyaar hain magar dono ke muddein alag hain. aur dono ke tracks parallel chalte hain.
Film ka first half behad confusing magar second half mein, jab guthiyaan dheere dheere khulne lagti hain, you start enjoying the complications.
Film ka plus: music, editing aur treatment. Film ka title, jo hume pehle ajeeb lagta hain, film ka sandesh hain. That attraction aur attachment ke beech jo faasla hota hain, ussi ko mohabbat kehte hain.
Film ka minus: Ek toh naye chehre aur wo bhi double role mein so it is complicated. Uske baad charon ki back stories, kuch samajh mein aati hain, kuch nahi aati.
Climax is too simple and, in a way, insensitive as well. Itna sab ho jaane ke baad, how can everything be so normal?
Vicky Kaushal urf DJ Mohabbat film ke main attraction hain magar puri film mein wo apni topi/ chashma/ daadhi ke peeche chuppe rehte hain. Kyon? maloom nahi!
Lead pair Alaya aur Kiran Mehta apni taraf se puri koshish karte hain.
Kya aap ko ye film dekhni chahiye? Agar aap die hard romantic ho toh ye pyaar ka ek naya expression hain aur agar aap Anurag Kashyap fan ho, then the film will be disappointing!
Main Bhawana Somaaya Almost Pyaar with DJ Mohabbat ko Big Ratings deti hoon 2.5 stars.